我的小總結:)
a 係香港會每況愈下…」的時候，朋友A的判斷是：「唔好搞咁多嘢，香港就會自然地好起來了。以前咁多年都係咁樣㗎啦…」？無知 ?
b 但朋友B總是會忽略這些背景，有意無意將功勞都歸於自己身上 ？不知 ?
c 是為自己可以爭取2-3年時間，就走？自私 ?
d 朋友D對我來說，是一個震撼。一個被朋友們，狠狠鬧走並送到去對方陣營的個案。一個人在一個圈子裡沒有得到認同，投向別的圈子，
？自大 ?
引述----->
CK 人在中環 我的四個撐建制朋友（1234）
http://www.pentoy.hk/%E6%99%82%E4%BA%8B/m325/2014/08/15/%E4%BA%BA%E5%9C%A8%E4%B8%AD%E7%92%B0ck%EF%BC%9A%E6%88%91%E7%9A%84%E5%9B%9B%E5%80%8B%E6%92%90%E5%BB%BA%E5%88%B6%E6%9C%8B%E5%8F%8B%EF%BC%88%E5%9B%9B%EF%BC%89/?utm_source=rss&utm_medium=rss&utm_campaign=%25e4%25ba%25ba%25e5%259c%25a8%25e4%25b8%25ad%25e7%2592%25b0ck%25ef%25bc%259a%25e6%2588%2591%25e7%259a%2584%25e5%259b%259b%25e5%2580%258b%25e6%2592%2590%25e5%25bb%25ba%25e5%2588%25b6%25e6%259c%258b%25e5%258f%258b%25ef%25bc%2588%25e5%259b%259b%25ef%25bc%2589
星期五, 7月 18, 2014
我的四個撐建制朋友（一）
最近遇到其中一件我覺得很荒謬的事，是我所認識的兩位uncle，居然像細路般「玩絕交」。兩個uncle，加起來有百幾歲了，而且平日都是那些面面俱圓的商界老手。反面的原因，正是因為政治立場的不同：一個親建制、另一個反政府，大家一拗起來即時一發不可收拾。詳情我早陣子在AM730的專欄裡也寫過了。
而我則是個徹頭徹尾的鍵盤戰士，我會講政治話題的地方，絕大部份都只會在互聯網上。在現實世界裡面，我反而絕少跟朋友講政治，為的就是免得發生像我那兩位uncle的「遭遇」。這算不算縮頭烏龜的行為？那當然算吧，只是我很清楚，今時今日，講錢傷感情；講政治，更傷感情。
不同人有不同的立場，其實一直以來都是這樣。每個人背景遭遇以至所接收的資訊都不一樣，所相信的事情自然也不盡相同。那麼誰比較聰明一點？其實都說不準的吧。每個人都認為自己所相信的是真理，每人也有各自認為「充份」的理由，去支持自己所相信的事，就像我這四位撐建制的朋友一樣…雖然，我心底裡還是無法認同。
*****
朋友A是個年輕媽咪，孩子入快要考小學，典型的小康家庭。
朋友A是個對政治無甚興趣的人，也很滿足於現在的生活。我記得有一次朋友聚會當中，有個不太識趣的朋友，提出了一些政治話題，當中有一句是這樣的：「其實如果大家接受，將來喺香港生活，會好似喺啲現在嘅國內二線城市裡面生活咁的話，其實真係冇咩嘢好爭取的。」
朋友A對這個statement反應很快：「好似喺大陸啲二線城市生活，冇咩問題吖。大陸啲二線城市，人口唔會少過香港好多遮，配套都應該好齊啦，嗰啲城市依家都好旺吖，如果香港將來嘅生活，係好似喺嗰啲城市咁，我都唔明有幾大問題。啲人有咩好爭取呀？」
我跟另外一位朋友交換了個眼神，心諗：「人口？配套？地方好旺？大家講緊嗰啲所謂『生活』，好似唔係講緊飲飲食食喎。」
但實情是，一直以來我所認識的朋友A，最關心的，是個仔入唔入到好學校，以及飲飲食食行街睇戲的生活會不會受影響。
你跟她說甚麼民主自由人權法治，她真的一點也不會感興趣。
我有些朋友對她的取態很不屑，也有朋友覺得她是典型的所謂「港豬」，但她實實在在對政治毫不感興趣，我甚至相信，如果她的自由有天真的越收越窄，她也不見得會介意，會認為這是生活質素的下降。
我心裡當然不能認同她這種取態，但我同時也不敢論斷她的對錯。每個人對生活的要求都不一樣，所關注的議題自然也會有所不同。我有時會想，在現在的環境當中，朋友A也許是最快樂，最「無憂無慮」的一群。選擇「快樂」，其實算不算是聰明？
「但為甚麼會撐建制？」我好奇問。
佢嘅答案大概係咁嘅：「宜家抗爭緊嗰班人，所爭取緊嘅嘢，我根本就唔需要，但我地卻要一齊陪佢地付出代價。」
「付出咩代價先？」我又好奇。
「咁打開新聞日日都係啲鬧交呀、衝擊之類嘅畫面，教壞晒細路呀。」朋友A說：「嗰班反對嘅人，太粗魯太野蠻啦。」
「要講教壞細路的話…」我忍唔住答咀：「大把嘢都教壞人啦。好似689咁擘大眼講大話，唔通又唔教壞細路？」
「689?」朋友A顯得有點迷惘：「咩叫做『689』呀？係咪又係嗰啲粗口諧音呀？」
*****
朋友A選擇不問世事，這是她的選擇。我自己也不能否認，若干年前，很大部份的香港人（包括我）其實也是這個模樣。不過我倒認為，她之所以有這種取態，很大程度上是她習慣了，即使大家都唔多關心政治，香港還是會好地地的。我倒對她說過的一句話很有印象：「香港地，理咁多無謂嘢做乜吖。不嬲都唔理佢，咪又係好地地？你冇事搵事搞，就真係會衰啦。」
有些人時常說，英國佬在主權移交當中，埋下了許多「炸彈」。我估，這可能就正是其中一個吧？我們這代人，都是長大於殖民地後期的。英國在管治香港早期的暴政，我們這代人都沒有經歷過。相反，我們長大的日子裡面，經濟起飛，英國佬也有不少德政，讓我們早就習慣了，無需要關心政治民生，生活也能自然地好起來。文明自由的理想生活，就像呼吸空氣一樣理所當然。
政權移交，有些像我這種多事之徒，會覺得情況有變，從前好像理所當然的東西，現在不可能再「咁荀」的了。朋友A跟我這種人，立場之所以不同，除了對生活的要求有所差別之外，還有彼此對時局的分析有很大落差。當我們判斷「唔掂，要做啲嘢先得，如果唔係香港會每況愈下…」的時候，朋友A的判斷是：「唔好搞咁多嘢，香港就會自然地好起來了。以前咁多年都係咁樣㗎啦…」
*****
撇除與我政治立場不同，老實講，朋友A作為一個friend，其實是很不錯的。
香港很撕裂，其中一個原因，是政治立場不同的人，往往講唔夠兩句就會開拖。如果你問我心嗰句，我肯定是覺得朋友A的取態好唔妥，甚至我覺得是愚蠢的。但我在想，掉轉頭她望著我，其實是不是也一樣覺得我好笨？
如果真的要討論、甚至爭拗…大家都幾十歲人，我幾可肯定，結果將會是：她無法改變我的睇法，我也無法改變她的立場。
然而我卻是肯定不想失去這個認識多年的朋友，唯有見面時，有些話題，選擇避而不談。
這樣對大家都好。
祝大家有個愉快週末。
Click here to add CK on your Facebook
CK 於 4:54 下午
分享
14 則留言:
草帽5:33 下午
你有一個幾十年既朋友, 但佢絕不是一個同一方向理念既朋友. 這樣既朋友問心其實同點頭朋友冇分別.
回覆
匿名5:47 下午
要去公民抗命,代價太大吧,那麽最易的是影響身邊的人吧,可是這也是最難的。
如果有一日阿仔帶回家的女朋友對你說：Uncle,其實六四好在開槍喳，唔係我地邊有咁好。咁點算？一理通百理明啫。
回覆
匿名6:00 下午
好呀！你個朋友A, 佢此終有一日突然發覺個仔讀書無學位，想換樓但D樓天比高，老公D生意俾大陸搶晒，出街食飯D舖頭因加租大多執晒笠。
咁佢就會知原來建制有幾好。
回覆
nikita6:00 下午
我可以肯肯定朋友A 有一天都會上街反政府的，壞的政策總有一天會貼身地影響到佢，佢當然係可以不理政治啦，但政治卻會找上他，只是時間問題而已。
回覆
回覆
匿名7:11 下午
非常同意nikita講法。
回覆
匿名6:33 下午
A for absurd
回覆
Solisflamma7:56 下午
不要懷疑人類的適應力，要覺醒好難，中國的百姓都已逆來順受左5000年
回覆
匿名1:55 下午
佢老公如果同一個蝗妹有路 , 就會醒ga la
回覆
匿名6:46 下午
你朋友或者是更有智慧，很多民主國家的投票率不降，其中一個原因是選民認為邊個政府上台都一樣，英國的政治分析都是絕大部分的民生議題，各黨派分歧不大。
是某一個時代需要某一些政策，而不是政府推行政策。
回覆
匿名11:23 下午
對於呢d朋友，我都認同可以說服他們的可能性極低，有時也盡量少談。
唔知呢種朋友，可唔可以用比喻來講解，例: 你個仔好多同學鍾意，甚至班主任都想委派佢做班長，但最後竟然由一個成日講大話又操行差既同學做班長，大家都好唔鍾意，最後得知佢係因為識校長，由校長欽點。然後問佢，如果佢個仔有咁既遭遇，佢有咩反應
回覆
回覆
匿名2:07 上午
佢會話:'做班長有咩好？專心讀書考試第日入到大學重好。'
人格，情操，心靈成長在現今社會完全不看重。好多家長自己做人都只是半桶水，政治意識根本是零。政治意識依家嘢，要自己開竅，其他人好難強行植入。所以作者嘅情況我哋身邊每日都發生。我覺得大家應該利用香港現在僅存嘅自由，去爭取自己想有嘅未來。同時要專重不同人嘅取態。
政治意識同取態，就好似跑步。有啲人唔跑會死，有啲人當係興趣，有啲人日日跑，有啲人得閒跑，有啲人從來都唔跑，只係鍾意游水。依啲嘢無得迫。
回覆
匿名11:19 上午
不要懷疑人類的適應力，要覺醒好難，中國的百姓都已逆來順受左5000年
香港地七百萬人之中，實在係有比例唔少既人，覺得民主同普選係冇必要的。呢班人，為數不少。我地也許覺得佢地愚昧，覺得佢地中晒當權者既圈套，但呢班人，的確係存在。要呢大班人改變，難度太高了。假如民主係要尊重所有人既意願，咁呢班人，點搞呢？
回覆
匿名11:08 下午
分享兩篇文。今日因為以下分享，我有兩個whatsapp groups有人exit了：
與自己政見不合的家人 | 輔仁網 - http://www.vjmedia.com.hk/articles/2014/03/24/67241
與自己政見不合的男人 | 人間無事 - http://www.cherrie.hk/archives/763
呢篇必睇！香港，就是充塞這類人。
/以上的政見不合，其實是人蠢，唔識思考。/
回覆
匿名12:03 下午
點解喺blog上按Facebook的share button, 篇文的引言會係置頂的第一個留言("你有一個幾十年既朋友, 但佢絕不是一個同一方向理念既朋友. 這樣既朋友問心其實同點頭朋友冇分別.")? 個留言唔係特別吸引, 咁會令到d人無興趣入去睇。筆者有冇機會check下?
回覆
載入更多...
此文章的連結
建立連結
‹
›
首頁
查看網絡版本
關於我
CK
我係一隻又笨又固執既豺狼
查看我的完整個人檔案
由 Blogger 提供
全新客戶成功貸款，邦民即場獎您現金$500。
高登誠意推介 –免費航拍工作坊
現有會員可[按此]登入。
[公司模式-關] [懷舊模式-開] [大字型] [小字型]
您現在聚腳在 非會員伺服器 時事台內。
[轉到會員伺服器] [轉到海外伺服器]
高登公告
新版官方高登iOS app已經正式登陸Apple App Store，由於須回應Apple要求，加入指定功能，經歷了比預期長時間的審批，而延遲近三個月上架。iOS版本功能和操作方式與Android第二階段版本相同，我們將盡快為iOS版升級，讓iOS用家可享用跟Android用家相同的全部功能。
iOS版官方高登App下載連結：https://itunes.apple.com/hk/app/xiang-gang-gao-deng-xin-guan/id885457911?l=zh&mt=8
負責程式員會以「iOS專員」的帳號同會員對話，如大家對iOS版本高登app有任何疑問或建議，請於post內提出。謝謝各位支持。 ......
more...
朋友的回覆
匿名12:03 下午
民賤聯為何叫建制派，他們有什麼建設？什麼撐政府，反暴力，我覺得這些保共匪的人說話所帶來的比真的暴力更離譜。
共産黨更暴力。
10年前家父過世，記得他告訴我他小時候外公是法官，被共匪鎖著手扣，準備搶敝，外公著家父帶肥皂來牢中譲他脫下手玉額送給外孫，第二天家父故意去很遠放牛，是不想聽到搶聲，但最後都是聽到。我覺得十分憤怒和傷感。
共產黨殺我全家，家父家破人亡，他常説「共產黨會對你咁好」，香港只會越來越差，如果他現還在世，他知道他的話應驗了。
回覆
匿名12:03 下午
» 高登主頁 » 時事台
高登誠意推介 –免費航拍工作坊
跳至第頁
發起人 CK- 人在中環 - 我的四個撐建制朋友（二）
