| 本土事 , 本土狗 , 由本土人 引述 ----> http://www.passiontimes.hk/article/08-22-2014/18456 專欄部落 » 熱血公投 » 哥白尼 |
冷漠，是香港最大的敵人
- 哥白尼 @ 08-22-2014 / 今日
為您的摰愛家人提供週全保障。網上投保更可獲9個月保費豁免。立即行動!
MetLife - 大都會人壽(www.metlife.com.hk)
前日狗仔誤闖路軌，有生命危險。當時有職員嘗試「營救」，但結果當然係失敗，狗仔最後命喪大陸列車之下。
撞死狗嘅列車，係大陸列車，而出事之後，矛頭最多指向，竟然唔係大陸列車，而係港鐵。
我亦睇到唔少思考嘅角度，值得我記低：
1. 如果列車撞到嘅唔係狗仔，係其他動物例如坑渠老鼠，大家反應會否一樣？
2. 狗仔點解可以闖入路軌範圍？
3. 點解當時職員救唔到狗仔？（例如有人影到職員放張凳落路軌）
4. 點解當時其他乘客，唔出手跳落路軌救隻狗上嚟？
5. 有人將狗仔屍體擺上網，又是否恰當？
（如有其他觀點，歡迎補充。）
可見，一件事發生咗，係會有好多唔同既角度，唔同既思考，甚至有人會覺得，「狗仔死咗又點啫？」（我相信有呢啲想法既人，個心係咁諗都好，都唔會呢刻亂講。佢哋冷漠無情，最多都係收埋自己唔講。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
其實呢件事，就好似今日嘅香港。
今日嘅香港人已經面臨緊中共威脅，就好似誤闖路軌嘅狗，即使佢想爬返上月台，但最後都無能力咁做。
時代嘅無情，就好似趕時間嘅列車一樣，最後終於將狗仔撞死。
我睇件事只有一個重點，就係救返隻狗上嚟。
如果狗仔死咗，點樣洋洋灑灑去分析件事都無補於狗仔條命。除非，呢啲分析係足以建立一套方法同制度，防止再有呢啲事發生。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
That's why, 係 facebook 界，大家對政治同社會議題咁蒼白無力、甚至係避之則吉。
因為冷漠嘅香港人（有謂港豬者），佢哋嘅不在現場，無法體會到狗仔喪命之痛；亦覺得自己並非屬於持份者，因為即使自己有咩意見，亦改變唔到現況，就如市民根本出唔到手（或者係唔想出手）去抱隻狗上來。
而慘劇發生之後，佢哋亦會拒絕去思考各種問題，皆因佢哋思考空間好窄，只係識得講：「搞錯啊！港鐵！」見人地出 post 鬧，自己亦想鬧埋一份，出個 post 留低幾隻字，「仆街啦！港鐵！」。但最大問題，其實係放行大陸列車嘅車務控制中心負責人，先係真正撞死狗嘅兇手。
咁你可能會問佢：「應該要點做先啱？」
如果你同呢種人講多兩講，諗住深度討論下，佢哋又會覺得件事好複雜，好攰，唔想講落去既時候就會彈一句：「總之隻狗死咗就唔啱啦！」ok, discussion ends. 啊，跟手諗下今晚去邊度玩好、食好、歎世界先。狗仔死咗？嘿，過一排，歌都有得唱：「苦衝開了便淡～說甚麼再平反～」
無錯，大家就要記住，今日群情洶湧嘅呢一刻，唔好過咗兩三日又無件事。香港人如果係政改爭普選入面，都好似對關注貓仔狗仔一樣咁有愛心同決心，一呼百應地好似聯署聲討港鐵咁有火地去追殺港共政府，香港，一早就有普選啦。
＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿＿
又或者，我寫完呢篇，會被人覺得，「乜你諗咁多架？狗仔死咗都可以打咁大篇文，抽水啊？」
香港人對香港自己，都不如貓狗熱心，吓哇？
村民點諗？火車點諗？I've told you so!
